அதர்வா இரு வேடங்களில் நடிக்கும் ‛வலை'
ADDED : 4 days ago
ஒளிப்பதிவாளர் மற்றும் இயக்குனரான ஜீவா சங்கர் தமிழ் சினிமாவில் ‛நான், அமரக்காவியம், எமன்' ஆகிய படங்களை இயக்கியுள்ளார். 9 ஆண்டுகளுக்கு பின் தற்போது ஒரு படத்தை இயக்குகிறார். இதில் அதர்வா, வாணி போஜன், ரூபா மஞ்ஜரி உள்ளிட்டோர் நடிக்கின்றனர். இந்த படத்தின் அறிவிப்பு வெளியாகி உள்ளது. படத்திற்கு வலை என பெயரிட்டு, டீசரையும் வெளியிட்டுள்ளனர். இதனை ஆர்யா, விஜய் சேதுபதி இருவரும் வெளியிட்டனர்.
குட்டி, சாரா என இரு வேடங்களில் அதர்வா நடித்துள்ளார். கடல், மீனவர்கள் பின்னணியில் பழிவாங்கும் கதையாக இப்படம் உருவாகி இருப்பது டீசரை பார்க்கையில் புரிகிறது. ஜிப்ராஜ் இசையமைக்கிறார். டீசரை பார்க்கையில் படப்பிடிப்பு பாதிக்கு மேல் முடிந்து இருக்கும் என தெரிகிறது. விரைவில் ரிலீஸ் என டீசரில் குறிப்பிட்டுள்ளனர்.