பிளாஷ்பேக் : தனது கட்சிக்காக படம் நடித்த சிவாஜி

நடிகர் திலகம் சிவாஜி பெரும்பாலும் அரசியல் படங்களில் நடித்ததில்லை. ஆனால் அவர் காங்கிரஸ் கட்சியில் இருந்து விலகி 'தமிழக முன்னேற்ற முன்னணி' என்ற கட்சியை தொடங்கியபோது தனது கட்சி கொள்கைகளை பிரச்சாரம் செய்யவும், எதிரிகளை அரசியல் ரீதியாக விமர்சிக்கவும் நடித்த படம் 'என் நாடு என் மக்கள்'

இந்த படத்தை சந்தானபாரதி இயக்கினார். சிவாஜியுடன் வடிவுக்கரசி, எஸ்.எஸ்.சந்திரன், நிழல்கள் ரவி, விஜயகுமார், வி.கே.ராமசாமி, மேஜர் சுந்தர்ராஜன் நடித்தார்கள். சிவாஜியின் சொந்த நிறுவனமான சிவாஜி பிலிம்ஸ் தயாரித்தது. கங்கை அமரன் இசை அமைத்தார். அனந்தன் கதை எழுதினார். ஒரு நேர்மையான அரசியல்வாதி சட்டசபைக்குள் செல்லும் போது சந்திக்கும் பிரச்னைகளை மையமாக வைத்து உருவாகி இருந்தது.

கதையில் வலு இல்லாமல், வசனத்தில் அழுத்தம் இல்லாமல் வெறும் பிரச்சார படமாக அமைந்து விட்டதால் படம் பெரிய தோல்வியை சந்தித்தது.