ஜி.வி.பிரகாஷ் நடித்துள்ள லக்கி பட டிரைலர் வெளியானது

உதய மகேஷ் என்பவர் இயக்கத்தில் ஜி.வி.பிரகாஷ் குமார், அனஸ்வரா ராஜன், மேக்னா சுமேஷ், தேவதர்ஷினி உள்ளிட்ட பலரது நடிப்பில் உருவாகியுள்ள படம் லக்கி - தி சூப்பர் ஸ்டார். இந்த படத்தை தியேட்டரில் வெளியிடாமல் வருகிற 20ம் தேதி நேரடியாக ஜியோ ஹாட் ஸ்டார் ஓடிடியில் வெளியிடுகிறார்கள். தமிழ், தெலுங்கு, மலையாளம், கன்னடம், ஹிந்தி என 5 மொழிகளில் வெளியிடுகிறார்கள். இந்நிலையில் லக்கி தி சூப்பர் ஸ்டார் படத்தின் டிரைலரை வெளியிட்டுள்ளார்கள். ஒரு சிறிய நாய்க்குட்டி தொலைந்து போவதோடு ஒரு அரசியல்வாதியிடம் சிக்கிக் கொள்கிறது. அது அவரது கையில் கிடைத்ததில் இருந்து அவருக்கு பல அதிரடியான மாற்றங்கள் நடக்கிறது. இறுதியில் அந்த நாய்க்குட்டியை அந்த அரசியல்வாதியிடமிருந்து ஜி.வி .பிரகாஷ் குமார் எப்படி மீட்டெடுக்கிறார் என்பது குறித்த கதையில் இந்த படம் உருவாகி இருக்கிறது.