41 கோடிக்கு விற்பனையான துல்கர் சல்மான் படத்தின் டிஜிட்டல் ரைட்ஸ்!

'லக்கி பாஸ்கர்' படத்தை அடுத்து தெலுங்கில் துல்கர் சல்மான் நடித்து வரும் படம் 'ஆகாசம்லோ ஒக தாரா'. பவன் சாதினேனி என்பவர் இயக்கி வரும் இந்த படத்தில் துல்கர் சல்மானுடன் சாத்விகா வீரவள்ளி, ஸ்ருதிஹாசன் நடித்துள்ளார்கள். கோடை விடுமுறையில் திரைக்கு வரும் இந்த படத்தின் இறுதிக்கட்ட படப்பிடிப்பு ஆந்திராவில் உள்ள ராஜ முந்திரியில் நடைபெற்று வருகிறது. ஜி.வி.பிரகாஷ் குமார் இசையமைக்கிறார்.

இந்த நிலையில் தற்போது இந்த 'ஆகாசம்லோ ஒக தாரா' படத்தின் டிஜிட்டல் உரிமையை நெட்பிளிக்ஸ் நிறுவனம் 41 கோடிக்கு வாங்கி இருப்பதாக தகவல் வெளியாகியுள்ளது. இதுதவிர தற்போது மலையாளத்தில் 'ஐஎம் கேம்' என்ற படத்தை தயாரித்து நடித்து வருகிறார் துல்கர் சல்மான்.