‛ஓ பட்டர்பிளை' படத்திற்கு ‛மூன்று முடிச்சு' என தலைப்பு வைக்க நினைத்த இயக்குனர்

விஜய் ரங்கநாதன் இயக்கத்தில் உருவாகி உள்ள படம் 'ஓ பட்டர்பிளை'. சிபி, நிவேதிதா சதீஷ், நாசர், லட்சுமி பிரியா, சந்திரமவுலி, கீதா கைலாசம் உள்பட பலர் நடித்துள்ளனர். மாறுபட்ட திரில்லருடன் உருவாகி உள்ள இந்த படத்தின் டீசர் சமீபத்தில் வெளியாகி உள்ளது வெளியாகி உள்ளது.

விஜய் ரங்கநாதன் கூறியதாவது : இந்த படம் உறவு சிக்கல்களை சொல்லக்கூடிய படம். ஒரு பெண் 2 ஆண்களுக்கு இருக்கக் கூடிய உறவு சிக்கல்களை விவரிக்கிறது. பாலசந்தர் காலகட்ட படத்தை இன்றைய இளைஞர்களின் ரசனைக்கு தகுந்தார் போல் கொடுத்துள்ளோம். முதலில் மூன்று முடிச்சு என்று பெயர் வைக்க திட்டமிட்டோம். கோத்தகிரி மலை உச்சியில் தங்கி இருந்து படத்தை எடுத்திருக்கிறோம். ஒரு மலை வாழ் பகுதிக்கு செல்லும் 3 பேரை சுற்றி கதை நடக்கிறது.

படத்தில் முக்கியமான விஷயம் 'லைவ்' சவுண்ட்தான் டப்பிங் கிடையாது. சின்ன பட்டாசு சத்தம், பறவை சத்தம் கேட்டால் கூட எடுத்த காட்சிகளை மீண்டும் படமாக்க வேண்டிய நிலை. படத்தில் 5 பாடல்கள் உள்ளது. ஜன நாயகன் ரிலீஸ் தேதி பொறுத்து இந்த படம் வெளியாகும்'' என்றார்.