விஜய் தேவரகொண்டா, ராஷ்மிகா திருமணப் பதிவு 36 மில்லியன் லைக்ஸ்
ADDED : 14 hours ago
இந்தியத் திரையுலகில், இந்திய மீடியாக்களில் சமீபகாலத்தில் அதிகமாகப் பேசப்பட்ட ஒரு திருமண செய்தியாக நடிகர் விஜய் தேவரகொண்டா, நடிகை ராஷ்மிகா மந்தனா ஆகியோரது திருமணம் இருந்தது. நேற்று காலையும், மாலையும் முறையே தெலுங்கு முறைப்படியும், கொடவா முறைப்படியும் அவர்களது திருமணம் உதய்ப்பூரில் உள்ள நட்சத்திர ஹோட்டலில் நடைபெற்றது.
நேற்று மாலையில் இருவரும் அவர்களது சமூக வலைத்தளங்களில் திருமண புகைப்படங்களைப் பகிர்ந்து அவர்களது காதல் குறித்தும் பதிவிட்டிருந்தனர். அவர்களது பதிவிற்கு திரையுலகப் பிரபலங்கள் பலரும் வாழ்த்து கமெண்ட்டுகளைப் பதிவிட்டிருந்தனர். எண்ணற்ற ரசிகர்களும் வாழ்த்துகளைத் தெரிவித்தனர்.
அவர்களது பதிவில் ராஷ்மிகாவின் பதிவிற்கு 14 மில்லியன் லைக்குகளும், 2,34,000 கமெண்ட்டுகளும், விஜய் தேவரகொண்டாவின் பதிவிற்கு இதுவரையில் 12 மில்லியன் லைக்குகளும், 1,80,000 பிளஸ் கமெண்ட்டுகளும் வந்துள்ளது.
புதிய படங்களின் டிரைலர்கள், டீசர்கள் வெளிவந்தால் கூட இவ்வளவு லைக்குகள் கிடைத்திருக்காது. ஆனால், அவர்களது திருமணப் பதிவு புகைப்படத்திற்கு இத்தனை மில்லியன் லைக்குகள் என்பது அவர்கள் மீது ரசிகர்கள் வைத்திருக்கும் அன்பைக் காட்டுகிறது.