தமிழுக்கு வரும் ரியா ஷிபு

நிவின் பாலி நடிப்பில் சமீபத்தில் வெளியான 'சர்வம் மாயா' படம் மிகப்பெரிய வெற்றி பெற்றது. இந்த படத்தில் நாயகியாக அதாவது அழகான பேயாக நடித்த ரியா ஷிபு யார் என்பது பலருக்கு தெரியாது. அவர் தயாரிப்பாளராக இருக்கும் ஷிபு தமினின் மகள். தந்தைக்கு தயாரிப்பில் உதவியாக இருந்த ரியா, அண்ணன் ஹாருன் நடித்த 'தக்ஸ்', ஹிந்தி படமான 'மும்பைக்கர்', வீரதீரசூரன் படங்களை தனியாக தயாரித்தார்.

மலையாளத்தில் 'கப்' என்ற படத்தின் மூலம் அறிமுகமான ரியா தற்போது 'சர்வம் மாயா' படத்தின் மூலம் கவனிக்கப்படும் நடிகையாக இருக்கிறார். இந்த நிலையில் தமிழில் அவரை அறிமுகப்படுத்தும் முயற்சியில் தந்தை ஷிபு இறங்கி உள்ளார். மகளுக்காக கதை கேட்க தனியாக குழு ஒன்றையும் அமைத்துள்ளார். விரைவில் ரியா நடிக்கும் தமிழ் பட அறிவிப்பு வெளியாக இருக்கிறது.