மேடையில் நாற்காலி கவிழ்ந்து கீழே விழுந்த நாகசைதன்யா

தெலுங்கு இளம் முன்னணி நடிகர் நாகசைதன்யா நடிப்பில் அடுத்ததாக வெளியாக இருக்கும் படம் விருஷகர்மா. கடந்த சில வருடங்களுக்கு முன்பு தெலுங்கில் வெளியான ஹாரர் திரில்லர் படமான 'விருபக்சா' படத்தை இயக்கிய கார்த்திக் தண்டு தான் இந்த படத்தை இயக்கியுள்ளார். இதில் கதாநாயகியாக மீனாட்சி சவுத்ரி நடித்துள்ளார். இந்த படத்தின் கிளிம்ப்ஸ் வீடியோ வெளியிட்டு விழா நேற்று நடைபெற்றது.

இந்த நிகழ்வில் கலந்து கொண்ட நாகசைதன்யா மேடையில் போடப்பட்டிருந்த நாற்காலி ஒன்றில் அமர்ந்து லேசாக பின்னால் சாய்ந்த போது பிடிமானம் இல்லாமல் பின்னால் கவிழ்ந்து விழுந்தது. இதில் நாகசைதன்யாவும் கீழே உருண்டு விழுந்தார். படக்குழுவினர் பதறிப்போய் ஓடி வந்து அவரை தூக்கி விட்டனர். நாற்காலியின் கால்கள் மெல்லிய குச்சி போன்று இருந்ததுதான் நாற்காலி கவிழ காரணம் என்பது பார்க்கும்போதே தெரிகிறது. இது குறித்த வீடியோ ஒன்று தற்போது சோசியல் மீடியாவில் வைரலாக பரவி வருகிறது.