'பிரம்மயுகம்' டைரக்டரின் புதிய ஹாரர் படத்தில் நடிக்கும் பிரித்விராஜ்-மஞ்சு வாரியர்
ADDED : 2 days ago
மலையாளத்தில் 'பூதக்காலம்' என்கிற ஹாரர் படத்தின் இயக்குனராக அறிமுகமானவர் ராகுல் சதாசிவன். அந்த படத்தை தொடர்ந்து மம்முட்டியை வைத்து அவர் இயக்கிய 'பிரம்மயுகம்' திரைப்படம் அவருக்கு தென்னிந்திய அளவில் மட்டுமல்லாமல் அவர் கதை சொன்ன விதத்திற்காக பாலிவுட்டிலும் கூட வரவேற்பை பெற்றுத் தந்தது. இதனைத் தொடர்ந்து மோகன்லால் மகன் பிரணவ் நடித்த டயஸ் இரே என்கிற ஹாரர் படத்தை எடுத்தார்.
இந்த படமும் 100 கோடி வசூலித்தது. இந்த நிலையில் தற்போது புதிதாக தனது பாணியிலேயே மீண்டும் ஹாரர் படம் ஒன்றை இயக்கத் தயாராகி வருகிறார் ராகுல் சதாசிவன். இந்த படத்தில் பிரித்விராஜ் மற்றும் மஞ்சு வாரியர் இருவரும் நடிக்க இருக்கிறார்கள் என்று ஒரு தகவல் தற்போது மலையாள திரையுலக வட்டாரத்தில் வெளியாகியுள்ளது.