'யூத்'-ஐ போல 'ஹேப்பி ராஜ்'லும் அப்பா சென்டிமென்ட்

ஜி.வி.பிரகாஷ் இசையமைத்த 'யூத்' படம் வெற்றி பெற்றுள்ளது. 20 கோடிக்கும் அதிகமான வசூலை பெற்றுள்ளது. இந்த படத்தின் வெற்றிக்கு ஜி.வி.பிரகாஷின் இசை மற்றும் பாடல்களும் முக்கிய காரணம் என்று விமர்சனங்கள் வந்ததால் அவர் ஹேப்பி. கென் இயக்கிய 'யூத்' படத்தில் அப்பா, மகன் பாசம் முக்கியமான விஷயமாக இருந்தது. அதுவும் படத்தின் வெற்றிக்கு ஒரு காரணமாக இருந்தது. அப்பாவாக நடித்த சுராஜ் வெஞ்சரமூடுக்கு பாராட்டுக்கு குவிந்து வருகின்றன.

இந்த வாரம் ஜி.வி.பிரகாஷ் ஹீரோவாக நடிக்கும் 'ஹேப்பிராஜ்' படம் ரிலீஸ். இந்த படத்திலும் அப்பா, மகன் பாசம்தான் பிரதான விஷயமாம். இதில் ஜி.வி.பிரகாஷ் அப்பாவாக 'கைதி' உள்ளிட்ட படங்களில் கலக்கிய ஜார்ஜ் நடித்துள்ளார். படம் பார்த்தவர்கள் ஜார்ஜ் நடிப்பை குறிப்பிட்டு பேசி வருகிறார்கள். யூத் பட பாணியில் இளைஞர்கள் மத்தியில், கல்லுாரிகளில் ஜி.வி.பிரகாசும் படத்தை புரமோட் செய்து வருகிறார். யூத் படத்தில் இசையமைப்பாளராக வெற்றி பெற்றவர், ஹீரோவாக வெற்றி பெறுவாரா என்பது இந்த வாரம் தெரிந்துவிடும். ஹேப்பிராஜ் படத்துக்கு இசையமைத்தவர் ஜஸ்டின் பிரபாகர்.