மீண்டும் சிம்பு படத்தில் இணைந்த ‛அசுரன்' நடிகர்

தாணு தயாரிப்பில் வெற்றிமாறன் இயக்கத்தில் சிம்பு நடிப்பில் 'அரசன்' படம் உருவாகி வருகிறது. இந்த படத்தில் விஜய் சேதுபதி முக்கிய கதாபாத்திரத்தில் நடிக்கிறார். மேலும் விக்ராந்த், யோகலஷ்மி, மாஸ்டர் கமலேஷ் ஆகியோரும் இணைந்து நடிக்கின்றனர்.

தற்போது இந்த படத்தின் இரண்டாம் கட்ட படப்பிடிப்பு சென்னையில் துவங்கி நடைபெற்று வருகிறது. இந்த படப்பிடிப்பில் அசுரன் படத்தில் நடித்ததன் மூலம் பிரபலமான டிஜே அருணாசலமும் இணைந்துள்ளார். படப்பிடிப்பு தளத்தில் எடுக்கப்பட்ட போட்டோ மூலம் இது உறுதியாகியுள்ளது. ஏற்கனவே சிம்பு உடன் பத்து தல படத்தில் டிஜே அருணாசலம் இணைந்து நடித்திருந்தார் என்பது குறிப்பிடத்தக்கது.