இது எனக்கு புது உலகம் : முதல்முறையாக வெப்சீரிஸில் நடிக்கும் சம்யுக்தா

தனுஷ் நடித்த வாத்தி படத்தில் அவருக்கு ஜோடியாக நடித்த பிரபலமானவர் நடிகை சம்யுக்தா. மலையாள நடிகை என்றாலும் கூட தெலுங்கில் கவனம் செலுத்தி முக்கியத்துவம் வாய்ந்த கதாபாத்திரங்களை தேர்வு செய்து நடித்து வருகிறார். இந்த நிலையில் தற்போது முதல் முறையாக குவ்வால செருவு காட் என்கிற வெப்சீரிஸிலும் நடித்து வருகிறார் சம்யுக்தா. ஒரு கட்சிக்குள் நடக்கும் உட்பூசல்களை மையப்படுத்தி அரசியல் பின்னணியில் இந்த வெப்சீரிஸ் தயாராகி வருகிறது. இதில் கதாநாயகனாக கிரண் அப்பாவரம் நடித்துள்ளார்.

இந்த வெப்சீரிஸ் நடித்தது குறித்து சம்யுக்தா கூறும்போது, “நான் இதுவரை பார்த்திராத ஒரு உலகமாக இது இருக்கிறது. அதனால் இயக்குனர் மற்றும் கதாசிரியருடன் அமர்ந்து விவாதித்து ஒவ்வொரு காட்சியையும் ரிகர்சல் செய்து நடித்திருக்கிறேன். இதுவரை நான் நடித்திராத கதாபாத்திரம் என்பதுடன் முதல்முறையாக வெப்சீரிஸில் நடிக்கும் அனுபவமும் வித்தியாசமாக இருக்கிறது” என்று கூறியுள்ளார்.