நல்ல நண்பரை காதலராக்காதீர்கள் : கங்கனா ரணாவத்

பீகாரை சேர்ந்த அரசியல்வாதி சிராக் பஸ்வானுடன் தனக்கு காதல் இருப்பதாக பரவிய செய்திகளை உறுதியாக மறுத்திருக்கிறார் பாலிவுட் நடிகை கங்கனா ரணாவத். இது குறித்து அவர் கூறுகையில், சிராக் எனது நண்பர் மட்டுமே. எங்களது நட்பு பல ஆண்டுகளாக நீடித்து வருகிறது. பல ஆண்டுகளுக்கு முன்பிருந்தே தாங்கள் ஒன்றாக பணியாற்றியதாகவும் அப்போது முதல் நட்புடன் இருந்து வருவதாகவும் அவர் குறிப்பிட்டுள்ளார்.

அதோடு, எங்களுக்கிடையே ஏதேனும் காதல் இருந்திருந்தால் அது நீண்ட காலத்துக்கு முன்பே உருவாகி இருக்கும். அப்படி இல்லாததால் நாங்கள் இப்போது வரை நண்பர்களாகவே இருந்து வருகிறோம். எங்களுக்கிடையே நட்பை தாண்டிய உறவு இருப்பதாக வெளியாகி வரும் செய்திகள் முழுக்க முழுக்க வதந்தி மட்டுமே. இது ஆதாரமற்ற செய்திகள் என்று தன்னை பற்றி பாலிவுட்டில் பரவி வரும் செய்திகளுக்கு விளக்கம் கொடுத்து அதற்கு முற்றுப்புள்ளி வைத்துள்ளார் கங்கனா.