கலிபா படத்தின் டப்பிங் பணிகளை முடித்த மோகன்லால்

மலையாளத்தில் மோகன்லால் நடிப்பில் வெளியாகி வெற்றி பெற்ற 'புலி முருகன்' படத்தை இயக்கியவர் இயக்குனர் வைசாக். தற்போது இவர் பிரித்விராஜ் நடிப்பில் 'கலிபா' என்கிற படத்தை இயக்கி வருகிறார். மாளவிகா சர்மா கதாநாயகியாக நடிக்கிறார். அதுமட்டுமல்லாமல், நடிகர் மோகன்லால் 'மாம்பரக்கல் அகமது அலி' என்கிற ஒரு முக்கிய கதாபாத்திரத்தில், பிரித்விராஜின் தாத்தா கதாபாத்திரத்தில் நடித்துள்ளார்.

இரண்டு பாகங்களாக உருவாக இருக்கும் இப்படத்தின் முதல்பாக படப்பிடிப்பு முடிவடைந்து தற்போது போஸ்ட் புரொடக்ஷன் பணிகள் நடைபெற்று வருகின்றன. மோகன்லால் தற்போது இப்படத்திற்கான தனது டப்பிங் பணிகளை நிறைவு செய்துள்ளார். இது குறித்த சில புகைப்படங்களையும் வெளியிட்டுள்ளனர்.