'விண்ணைத் தாண்டி வருவாயா': 1700 நாளை கடந்து சாதனை
ADDED : 14 hours ago
கவுதம் வாசுதேவ் மேனன் இயக்கத்தில் சிம்பு, திரிஷா நடிப்பில் வெளியாகி வெற்றி பெற்ற படம் 'விண்ணைத் தாண்டி வருவாயா'. 2010ம் ஆண்டு வெளியான இப்படம் சென்னை பி.வி.ஆர் தியேட்டரில் மறு வெளியீடு செய்யப்பட்டு, கடந்த 4 ஆண்டுகளாக இப்படம் ஒரு காட்சியாக திரையிடப்பட்டு வருகிறது. இந்திய அளவில் ரீ -ரிலீஸில் அதிக நாட்களைக் கடந்த திரைப்படம் என்கிற சாதனையை படைத்துள்ளது.
ஒரு ரீ ரிலீஸ் திரைப்படம் 1700 நாட்களை கடந்து ஓடுவது இதுவே முதல்முறையாகும். விரைவில் இந்த படம் 5 ஆண்டுகளை கடந்து தியேட்டரில் ஓடும் திரைப்படம் என்கிற சாதனையை படைக்கவுள்ளது.