வாரிசு நடிகைக்கு கொரோனா பாசிடிவ்
ADDED : 1738 days ago
காவலன், தெய்வத்திருமகள், முகமூடி, மனிதன் ஆகிய படங்களில் முக்கிய வேடங்களில் நடித்தவர் மலையாள குணச்சித்திர நடிகரான கிருஷ்ணகுமார். இவருக்கு மொத்தம் நான்கு மகள்கள்.. இதில் மூத்த மகளான ஆஹானா கிருஷ்ணா என்பவர் தற்போது மலையாள படங்களில் கதாநாயகியாக நடித்து வருகிறார். கடந்த 2018ல் வெளியாகி வரவேற்பை பெற்ற லூக்கா என்கிற படத்தில் சிறப்பாக நடித்து பாராட்டை பெற்றவர்.
தற்போது தனக்கு கொரோனா பாசிடிவ் என்கிற தகவலை ரசிகர்களுக்கு தெரியப்படுத்தி உள்ளார் ஆஹானா கிருஷ்ணா. இதுகுறித்து அவர் வெளியிட்டுள்ள பதிவில், “சில நாட்களுக்கு முன் கொரோனா பரிசோதனை செய்துகொண்டதில் பாசிடிவ் என ரிசல்ட் வந்தது. கடந்த இரண்டு நாட்களாக என்னை தனிமைபடுத்திக்கொண்டு அதை உற்சாகமாக அனுபவித்து வருகிறேன். இதில் குணமடைந்து கோவிட் நெகடிவ் என்கிற ரிசல்ட்டை பெறுவேன் என நம்புகிறேன்” என குறிப்பிட்டுள்ளார் ஆஹானா கிருஷ்ணா.