அஜீத்தின் வலிமை டீசர் எப்போது? அதிரடி அப்டேட்
ADDED : 1721 days ago
நேர்கொண்ட பார்வை படத்தை அடுத்து அஜீத், எச்.வினோத், யுவன் சங்கர் ராஜா, போனிகபூர் கூட்டணி மீண்டும் இணைந்துள்ள படம் வலிமை. அஜீத் போலீஸ் வேடத்தில் நடிக்கும் இந்த படத்தில் பேட்ட படத்தில் நடித்த பாலிவுட் நடிகை ஹூமா குரோசி நாயகியாக நடிக்க, டோலிவுட் நடிகர் கார்த்திகேயா வில்லனாக நடிக்கிறார்.
இப்படம் தொடங்கி ஓராண்டுக்கு மேலாகி விட்டபோதும் இன்னும் படம் குறித்த ஒரு அப்டேட்டை கூட வெளியிட வில்லை. தீபாவளி, பொங்கல் என ஒவ்வொரு பண்டிகை நாட்களிலும் வலிமை அப்டேட் ஏதாவது வெளியாகும் என்று எதிர்பார்த்து எதிர்பார்த்து அஜீத்தின் ரசிகர்கள் நொந்து நூலாகி விட்டார்கள்.
இப்படியான நிலையில், வருகிற ஏப்ரல் 14-ந்தேதி அதாவது தமிழ்ப்புத்தாண்டு தினத்தில் வலிமை படத்தின் டீசர் வெளியாக இருப்பதாக தற்போது ஒரு தகவல் வெளியாகி யுள்ளது. விரைவில் இதுகுறித்த அதிகாரப்பூர்வ தகவல் வெளியாகும் என்று தெரிகிறது.
மேலும், தற்போது இறுதிக்கட்டத்தை எட்டியுள்ள வலிமை படப்பிடிப்பு குஜராத்திலுள்ள பாவ்நகரில் விரைவில் தொடங்குகிறது. அங்கு 3 வாரங்கள் நடக்க உள்ளது. அதோடு வலிமை படப்பிடிப்பு நிறைவடைந்து விடும் என்றும் தகவல்கள் வெளியாகியுள்ளன.