தமிழுக்கு வரும் ஸ்ருதிஹாசனின் தெலுங்கு படம்

ரவிதேஜா - ஸ்ருதிஹாசன் நடிப்பில் சங்கராந்தியை முன்னிட்டு கடந்த ஜனவரி 9-ந்தேதி வெளியான படம் கிராக். இப்படம் சூப்பர் ஹிட் அடித்ததை அடுத்து மீண்டும் ஸ்ருதிஹாசனின் மார்க்கெட் சூடு பிடித்துள்ளது. அதன்காரணமாக பிரபாஸ் நடிக்கும் சலார் படத்தில் ஒப்பந்தமாகியிருக்கிறார்.

இந்த நிலையில் தமிழ், மலையாளத்தில் டப் செய்யப்பட்டுள்ள கிராக் படத்தை பிப்ரவரி 5-ந்தேதி வெளியிடுகிறார்கள். அதோடு அதேநாளில் அல்லு அரவிந்தின் ஓடிடி தளமான ஆஹாவிலும் கிராக் படம் வெளியாக உள்ளது. இப்படத்தில் சமுத்திரகனி, வரலட்சுமி சரத்குமார் ஆகியோரும் முக்கிய வேடங்களில் நடித்துள்ளனர்.