ஐஸ்வர்ய லட்சுமியின் கோட்சே படப்பிடிப்பு துவங்கியது

விஷால் நடித்த ஆக்சன் படம் மூலமாக மலையாளத்தில் இருந்து தமிழுக்கு வந்தவர் நடிகை ஐஸ்வர்ய லட்சுமி. அடுத்ததாக கார்த்திக் சுப்பராஜ் டைரக்சனில் தனுஷுடன் ஜகமே தந்திரம் படத்தில் நடித்து முடித்து விட்டார். இன்னொரு பக்கம் மணிரத்னத்தின் பொன்னியின் செல்வன் படத்திலும் நடித்து வருகிறார். அதுமட்டுமல்ல மலையாளத்தில் மூன்று படங்களுக்கு மேல் நடித்து வருகிறார்.

இந்தநிலையில் கோட்சே என்கிற படத்தின் மூலம் தற்போது தெலுங்கு திரையுலகிலும் கதாநாயகியாக அடியெடுத்து வைத்துள்ளார் ஐஸ்வர்ய லட்சுமி. இதுகுறித்த அறிவிப்பு கடந்த மாதமே வெளியான நிலையில், தற்போது இந்தப்படத்தின் படப்பிடிப்பு துவங்கியுள்ளது.. படப்பிடிப்பு தளத்தில் இருந்து புகைப்படங்களை பகிர்ந்து கொண்டுள்ளார் ஐஸ்வர்ய லட்சுமி. இளம் நடிகர் சத்யதேவ் கதாநாயகனாக நடிக்கும் இந்தப்படத்தை கோபி கணேஷ் பட்டாபி என்பவர் இயக்குகிறார்.