விஜய் 66 : இயக்குனர்களுக்கிடையே கடும் போட்டி

மாஸ்டர் படத்தை அடுத்து விஜய் நடிக்கும் 65ஆவது படத்தை நெல்சன் இயக்குகிறார். இப்படத்தின் முதல்கட்ட பணிகள் தீவிரமாக நடைபெற்று வருகிறது அடுத்த மாதம் முதல் படப்பிடிப்பிற்கு செல்கிறார்கள்.

இந்நிலையில், இந்த படத்தை அடுத்து விஜய் நடிக்கும் 66ஆவது படத்தை மாஸ்டர் படத்தை இயக்கிய லோகேஷ் கனகராஜே இயக்கயிருப்பதாக செய்திகள் வெளியாகி வருகின்றன. ஆனால் இதற்கிடையே விஜய் 66ஆவது படத்தை இயக்கும் வாய்ப்பினை பெற்று விடவேண்டும் என்பதற்காக அட்லி, எச்.வினோத், அஜய் ஞானமுத்து உள்பட மேலும் சில இயக்குனர்களும் முயற்சி செய்து வருவதாக கூறப்படுகிறது. இவர்களில் யாருக்கு அடுத்தப்பட வாய்ப்பு கிடைக்கும் என எதிர்பார்ப்பு நிலவுகிறது.

லோகேஷ் கனகராஜைத் தொடர்ந்து நெல்சன் திலீப் குமாருக்கு விஜய் கால்சீட் கொடுத்ததை அடுத்து தற்போது ஓரிரு ஹிட் படங்களை கொடுத்த அனைத்து இளவட்ட இயக்குனர்களின் கவனமும் விஜய் பக்கம் திரும்பியிருக்கிறது.

அதேசமயம் ஒரு படத்தை முழுமையாக முடித்த பின்னர் தான் தனது அடுத்தப்பட அறிவிப்பை விஜய் வெளியிடுவார். அந்தவகையில் இவரின் 66வது படம் பற்றிய அறிவிப்பு இப்போதைக்கு இருக்காது என்கிறார்கள்.