ஓடிடியில் பெரும் விலைக்கு விற்கப்பட்ட ஜகமே தந்திரம்

கார்த்திக் சுப்பராஜ் இயக்கத்தில் தனுஷ், ஐஸ்வர்ய லட்சுமி உள்ளிட்ட பலரது நடிப்பில் உருவாகி உள்ள கேங்ஸ்டர் படம் ஜகமே தந்திரம். கடந்தாண்டே வெளியாக வேண்டிய படம் கொரோனா பிரச்சனையால் தள்ளிப்போனது. இப்படம் தியேட்டரில் தான் வெளியாகும் என நாயகன் தனுஷ் உட்பட படக்குழு உறுதியாக இருந்தது. ஆனால் தயாரிப்பாளர் சசிகாந்த் இப்படத்தை ஓடிடியில் வெளியிடுகிறார். நெட்பிளிக்ஸ் தளத்தில் இப்படம் வெளியாக உள்ளது. சமீபத்தில் வெளியான டீசர் மூலம் இதை உறுதிப்படுத்தினர்.

இந்நிலையில் இப்படம் ஓடிடியில் ரூ.55 கோடிக்கு விலை போய் உள்ளதாக தகவல் வெளியாகி உள்ளது. கிட்டத்தட்ட படத்தின் பட்ஜெட்டிற்கு நிகராக விலை போய் உள்ளது. மேலும் இந்த விலை சூர்யாவின் சூரரைப்போற்று, விஜய்யின் மாஸ்டர் படங்களின் ஓடிடி விலையை விட அதிகம் என்கிறார்கள். ஜகமே தந்திரம் ரிலீஸ் தேதி இன்னும் உறுதியாகவில்லை என்றாலும் 6 மொழிகளில் 190 நாடுகளில் இப்படம் வெளியாக உள்ளது.