விஜய் படத்தில் சிவகார்த்திகேயன்?

டாக்டர், அயலான் படங்களில் நடித்துள்ள சிவகார்த்திகேயன் தற்போது டான் படத்தில் நடித்து வருகிறார். அவர் நடித்துள்ள டாக்டர் படத்தை இயக்கியுள்ள நெல்சன் தற்போது விஜய்யின் 65ஆவது படத்தை இயக்க தயாராகிக் கொண்டிருக்கிறார்.

நெல்சன் இயக்கத்தில் நயன்தாரா நடித்த கோலமாவு கோகிலா என்ற படத்தில் கல்யாண வயசு என்றொரு பாடலை எழுதியிருந்தார் சிவகார்த்திகேயன். அந்த பாடல் ஹிட் அடித்ததைத் தொடர்ந்து தற்போது நெல்சன் இயக்கத்தில் தான் நடித்துள்ள டாக்டர் படத்திலும் சோ பேபி, செல்லம்மா என இரண்டு பாடல்களை எழுதியிருக்கிறார்.

இந்த நிலையில் அடுத்தபடியாக நெல்சன் இயக்கத்தில் விஜய் நடிக்கும் 65ஆவது படத்திலும் சிவகார்த்திகேயன் ஒரு பாடல் எழுதயிருப்பதாக தற்போது ஒரு தகவல் வெளியாகியுள்ளது. மேலும், கோலமாவு கோகிலா, டாக்டர் படங்களுக்கு இசையமைத்த அனிருத்தே விஜய் 65ஆவது படத்திற்கும் இசையமைக்கிறார் என்பது குறிப்பிடத்தக்கது.