மகேஷ்பாபுவுடன் மீண்டும் இணைந்த தமன்னா

மகேஷ்பாபுவிற்கு ஜோடியாக ஆகாடு என்ற படத்தில் நடித்த தமன்னா அதன்பிறகு சாரிலேரு நீகேவரு என்ற படத்தில் ஒரு பாடலுக்கு நடனமாடியிருந்தார். இந்த நிலையில் மீண்டும் இவர்கள் இணைந்து நடிக்கிறார்கள். ஆனால் படத்திற்காக அல்ல, ஒரு விளம்பர படத்திற்காக. இந்த விளம்பர படத்தை அர்ஜூன்ரெட்டி, கபீர் சிங் போன்ற படங்களை இயக்கிய சந்தீப் ரெட்டி வாங்கா இயக்குகிறார். இந்த விளம்பர படம் இன்னும் ஒரு மாதத்தில் டிவி சேனல்களில் ஒளிபரப்பாக உள்ளது. மேலும், படங்களை விடவும் இதுபோன்ற விளம்பர படங்களில் தான் அதிகமாக சம்பாதித்து வருகிறார் மகேஷ்பாபு. இந்திய அளவில் விளம்பர படங்கள் மூலம் அதிகமாக சம்பாதிக்கும் நடிகர்களில் மகேஷ்பாபுவும் குறிப்பிடத்தக்கவராக இருக்கிறார்.