அஜித்தை இயக்க தயாராகும் சுதா?

துரோகி, இறுதிச்சுற்று, சூரரைப்போற்று படங்களை இயக்கிய சுதா, அடுத்தபடியாக அஜித்திற்கு ஒரு கதை சொல்லிவிட்டு வெயிட் காத்து கொண்டிருக்கிறார். ஆனால் நேர்கொண்ட பார்வை படத்தை அடுத்து மீண்டும் வினோத் இயக்கத்தில் வலிமை படத்தில் நடித்து வரும் அஜித், மூன்றாவது முறையாகவும் வினோத் - போனிகபூர் கூட்டணியில் ஒரு படத்தில் இணையப்போவதாக செய்திகள் வெளியாகி உள்ளன. ஆனபோதும் சம்பந்தப்பட்டவர்கள் அதை உறுதிப்படுத்தவில்லை.

இந்நிலையில், வலிமை படத்தை முடித்து விட்டு சுதா கொங்கரா இயக்கத்தில் அஜித் நடிக்க வாய்ப்பிருப்பதாக கூறப்படுகிறது. காரணம், ஏற்கனவே அஜித்தை சந்தித்து கதை சொல்லிவிட்டு வந்த சுதா, சமீபத்தில் மீண்டும் ஒருமுறை அஜித்துடன் சந்திப்பு நடத்தியிருப்பதாக தகவல். அதனால் வலிமை வெளியானதும் அஜித்தை, சுதா இயக்கும் படம் குறித்த தகவல் வெளியாகும் என்று கூறப்படுகிறது. சுதா படத்தை முடித்த பின்பு மீண்டும் வினோத் படத்தில் இணையலாம் என்கிறார்கள்.