சோனுசூட்டை தேடிச்சென்று உதவி கேட்கும் பொது மக்கள்

பிரபல பாலிவுட் நடிகர் சோனுசூட், கடந்த ஆண்டில் இருந்தே கொரோனாவினால் பாதிக்கப்பட்ட மக்களுக்கு பலவிதமான உதவிகளை செய்து மக்களின் மனதில் ஒரு ரியல் ஹீரோவாக உயர்ந்து நிற்கிறார். இதனால் அவரது உருவப்படத்திற்கு பாலாபிஷேகம் செய்து வணங்கும் வீடியோக்களும் சோசியல் மீடியாவில் வைரலாகிக் கொண்டிருக்கிறது.

இந்த நிலையில், தற்போது கொரோனா இரண்டாவது அலையின்போதும் தன்னிடத்தில் ஆக்சிஜன் சிலிண்டர் உதவி கேட்பவர்களுக்கு உடனுக்குடன் உதவி செய்து பல உயிர்களை காப்பாற்றி வருகிறார் சோனு சூட். இப்படியான நிலையில் தற்போது அவரது வீடு தேடிச் சென்றும் பொதுமக்கள் உதவிகேட்டு வருகிறார்கள். அந்த வகையில், சோனு சூட்டின் வீட்டிற்கு உதவி கேட்க சென்றவரோ இல்லை அவர் செய்த உதவியினால் உயிர் பிழைத்தவரோ தெரியவில்லை. ஒருவர் அவரது காலில் விழுந்து வணங்கும் வீடியோ ஒன்றும் தற்போது சோசியல் மீடியாவில் வைரலாகி வருகிறது.