இறுதிக்கட்ட படப்பிடிப்பில் விஷால் 31

விஷால் நடிப்பில் ஆர்யா இணைந்து நடிக்கும் “எதிரி” படத்தின் வெளியீட்டு பணிகள் நடந்து வருகின்றன. அடுத்தப்படியாக து.பா. சரவணனன் இயக்கும் படத்தில் நடித்து, தயாரித்து வருகிறார் விஷால். டிம்பிள் ஹயாதி நாயகியாக அறிமுகமாகிறார். யோகிபாபு, மாரிமுத்து, துளசி, கவிதா பாரதி, ஆர்என்ஆர் மனோகர், பாபுராஜ், பில்லி முரளி, ரவீனா உள்ளிட்ட பலர் நடிக்கின்றனர். விஷாலின் 31வது படமாக தயாராகும் இப்படத்தின் படப்பிடிப்பு ஐதராபாத்தில் பல முக்கிய காட்சிகள் படமாக்கப்பட்டது. இதனைத் தொடர்ந்து சென்னையில் 10 நாட்கள் இறுதி கட்ட படப்பிடிப்பு துவங்கி உள்ளது. அதிகார பலம் படைத்தவர்களை எதிர்கொள்ளும் சாமானியன் ஒருவனின் கதை தான் இப்படம். அனைத்து ரசிகர்களும் ரசிக்கும் வகையிலான கமர்ஷியல் ஆக்சன் படமாக இப்படம் உருவாகிறது.