காட்பாதரில் இணைந்த மலையாள வில்லன்

மலையாளத்தில் வெளியான லூசிபர் படத்தை தற்போது தெலுங்கில் காட்பாதர் என்ற பெயரில் ரீமேக் செய்து வருகிறார் மோகன்ராஜா. சிரஞ்சீவி நாயகனாக நடிக்கும் இந்த படத்தில் மலையாள பதிப்பில் மஞ்சுவாரியர் நடித்த வேடத்தில் நயன்தாரா நடிக்கிறார். இந்நிலையில், பாலிவுட் நடிகர் விவேக் ஓபராய் நடித்த வில்லன் வேடத்தில் நடிக்கப்போவது யார் என்கிற எதிர்பார்ப்புகள் நிலவி வந்தநிலையில் தற்போது அந்த வேடத்தில் நடிக்க மலையாள நடிகர் பிஜூமேனனை ஒப்பந்தம் செய்துள்ளார் மோகன்ராஜா.

மலையாளத்தில் ஹீரோ, காமெடியன், குணசித்ர நடிகர் என பலதரப்பட்ட வேடங்களில் நடித்து ஸ்கோர் பண்ணியவர் என்பதால் இந்த வில்லன் வேடத்தை பிஜூமேனன் அடுத்த லெவலுக்கு கொண்டு செல்வார் என்று தான் எதிர்பார்ப்பதாக தெரிவித்திருக்கிறார் மோகன் ராஜா.