ஜூனியர் என்டிஆர் 30 : இசைப்பணிகளை தொடங்கும் அனிருத்
ADDED : 1496 days ago
தமிழில் இந்தியன்-2, டான், பீஸ்ட், விக்ரம், திருச்சிற்றம்பலம் ஆகிய படங்களுக்கு இசையமைத்து வரும் அனிருத், அடுத்தபடியாக தெலுங்கில் கொரட்டல்லா சிவா இயக்கத்தில் ஜூனியர் என்டிஆர் நடிக்கும் அவரது 30ஆவது படத்திற்கு இசையமைக்கிறார். இந்த படத்தின் இசைப்பணிகளை செப்டம்பர் 1-ந்தேதி முதல் அவர் தொடங்குகிறார்.
மேலும், ஆர்ஆர்ஆர் படத்திற்காக கீரவாணி இசையில் நட்பு பாடலை பின்னணி பாடியிருந்த அனிருத், அதற்கு முன்பே தெலுங்கில் நானி நடித்த கேங்ஸ்டர் அஞ்ஞாதவாசி போன்ற படங்களுக்கு இசையமைத்துள்ளார். என்றாலும் அந்த படங்களின் பாடல்கள் ஹிட் அடிக்காததால் தெலுங்கில் அனிருத்திற்கு பெரிய அளவில் ஓப்பனிங் கிடைக்கவில்லை. என்றாலும் ஜூனியர் என்டிஆர் படம் மூலம் தெலுங்கிலும் தமிழைப்போலவே சைன் பண்ணி விடவேண்டும் என்று அனிருத் ஆர்வம் காட்டுவதாக சொல்லப்படுகிறது.