யதார்த்த நடிகர்கள் மாஸ் படத்தில் நடிப்பது விபத்து: சீனு ராமசாமி

யதார்த்த நடிகராக அறியப்பட்ட விஜய்சேதுபதியின் சமீபத்திய பெரிய பட்ஜெட் கமர்ஷியல் படங்கள் தோல்வி அடைந்துள்ளது. சமீபத்திய அவர் படங்களில் அவரது நடிப்பு பற்றியும் சமூக வலைத்தளங்களில் கடுமையாக விமர்சித்து வருகிறார்கள்.

இதுகுறித்து விஜய் சேதுபதியை பெயரை குறிப்பிடாமல் டுவிட்டரில் ஒரு மீம்ஸை பகிர்ந்து சீனு ராமசாமி பதிவிட்டுள்ளதாவது : அதீத கற்பனையான, மசாலா படங்களில் மிகை நடிப்பு, மிகை உணர்ச்சி, சுற்றி இருக்கும் சக நடிகர்கள் வெளிப்படுத்துவர். அதில் இயல்பாக யதார்த்தமாக நடிக்க முயன்றால் மிகக் குறைவாக, நடிக்காத மாதிரி தெரியும். கத்துவது, கர்ஜிப்பது, ஆவேசம், ஆக்ரோஷம், சண்டை, பிளிறுவது போன்ற முகபாவங்கள் உச்சம் தேவை. இது தான் யதார்த்த நடிகர்கள் மாஸ் படங்கள் என்ற பாப்புலர் சினிமாக்களில் சந்திக்கும் விபத்து. என்று சீனுராமசாமி தெரிவித்துள்ளார்.