உலகளந்த பெருமாள் கோவிலில் தேகளீச பெருமாளுக்கு சிறப்பு வழிபாடு

திருக்கோவிலூர்: திருக்கோவிலூர் உலகளந்த பெருமாள் கோவிலில் புரட்டாசி மூன்றாவது சனிக்கிழமையை முன்னிட்டு ஸ்ரீதேவி பூதேவி சமேதராக தேகளீசபெருமாள் சிறப்பு அலங்காரத்தில் பக்தர்களுக்கு அருள்பாலித்தார்.

திருக்கோவிலூர் உலகளந்த பெருமாள் கோவிலில், புரட்டாசி மூன்றாவது சனிக்கிழமையை முன்னிட்டு, நேற்று காலை 5:30 மணிக்கு மூலவர் திரிவிக்கிரமன் விஸ்வரூப தரிசனம், 6:00 மணிக்கு நித்திய பூஜைகள், 8:00 மணிக்கு ஸ்ரீதேவி பூதேவி சமேதராக தேகளீச பெருமாள் ஆசனத்தில் இருந்து புறப்பாடாகி, கண்ணாடி அறையில் எழுந்தருளி, விசேஷ திருமஞ்சனம் நடந்தது. ஜீயர் ஸ்ரீனிவாச ராமானுஜச்சாரிய சுவாமிகள் உத்தரவின்பேரில், நடைபெற்ற நிகழ்ச்சியில், ஏராளமான பக்தர்கள் கலந்து கொண்டு சுவாமி வழிபாடு செய்தனர்.