ராமேஸ்வரம், தனுஷ்கோடியில் குவிந்த பக்தர்கள்

ராமேஸ்வரம்: 3 நாள்களுக்கு பின் தனுஷ்கோடி அரிச்சல்முனை கடற்கரையில் ஏராளமான பக்தர்கள், சுற்றுலா பயணிகள் குவிந்தனர். கொரோனா பரவலை தடுக்க வெள்ளி, சனி, ஞாயிறு கிழமையில் கோயிலில் பக்தர்கள் தரிசனத்திற்கு அரசு தடை விதித்தது. அதன்படி ராமேஸ்வரம் ராமநாதசுவாமி கோயிலுக்கு கடந்த 3 நாட்களாக விதித்த தடை முடிந்ததும், இன்று ஏராளமான பக்தர்கள், சுற்றுலா பயணிகள் ராமேஸ்வரம் கோயிலில் தரிசனம் செய்தனர். இதன்பின் தனுஷ்கோடி அரிச்சல்முனை கடற்கரையில் ஏராளமான வாகனத்தில் குவிந்த சுற்றுலா பயணிகள், பக்தர்கள் கடல், கடற்கரை அழகை கண்டு ரசித்தனர்.