சீதா கல்யாண உற்சவம்

கிருஷ்ணகிரி: கிருஷ்ணகிரி ராயப்பன் தெருவிலுள்ள பேட்ராயசுவாமி மஹாலில், 10ம் ஆண்டு சீதா கல்யாண உற்சவம் நேற்று நடந்தது. காலை, 7:00 மணிக்கு சீதா ராமர் படப்பிரதிஷ்டை நடந்தது. 9:00 மணி முதல் நாம சங்கீர்த்தனமும், ஓசூர் கிருஷ்ணமூர்த்தி பாகவதர் குழுவினரின் பாண்டுரங்க பஜனையும் நடந்தது. பகல், 12:00 மணிக்கு, விழாக்குழு ஒருங்கிணைப்பாளர் லட்சுமி நாராயணன் மற்றும் ஆரியபவன் நடராஜன் ஆகியோர் ஏற்பாட்டில், சீதா கல்யாண உற்சவம் நடந்தது. இதில், 500க்கும் மேற்பட்ட பக்தர்கள் சுவாமி தரிசனம் செய்தனர். இதற்கான ஏற்பாடுகளை கிருஷ்ணகிரி சீதா கல்யாண விழா குழுவினர் செய்திருந்தனர்.