காளஹஸ்தி சிவன் கோயிலில் யோகா குரு ரவிஷங்கர் தரிசனம்

சித்தூர் : காளஹஸ்தி சிவன் கோயிலுக்கு இன்று "ஆர்ட் ஆஃப் லிவிங் " நிறுவனர் யோகா குருவான ரவிஷங்கர் அவர்கள் ஸ்ரீகாளஹஸ்தி சிவன் கோயிலுக்கு சாமி தரிசனம் செய்ய வந்தவரை ஸ்ரீகாளஹஸ்தி தொகுதி எம்எல்ஏ மதுசூதன் ரெட்டி சிவன் கோயில் அறங்காவலர் குழு தலைவர் அஞ்சூரு. தாரக சீனிவாசுலு மற்றும் உறுப்பினர்கள் ,கோயில் நிர்வாக அதிகாரி பெத்தி.ராஜு ஆகியோர் சிறப்பு வரவேற்பு ஏற்பாடு செய்தனர். அதனைத் தொடர்ந்து யோகா குருவை கோயில் வேதப் பண்டிதர்கள் பூர்ணகும்ப வரவேற்பு  செய்தனர் . தொடர்ந்து கோயிலுக்குள் சென்றவர் ஸ்ரீ காளஹஸ்தீஸ்வரரையும் ஞானப்பிரசுனாம்பிகை தாயாரையும் சாமி தரிசனம் செய்தவருக்கு கோயில் வளாகத்தில் உள்ள தட்சிணாமூர்த்தி சன்னதி அருகில் எம்.எல்.ஏ.மற்றும் அறங்காவல் குழுவினர் மற்றும் கோயில் அதிகாரிகள் பொன்னாடை போர்த்தி கௌரவித்ததோடு கோயில் சாமி படத்தையும் தீர்த்த பிரசாதங்களையும் வழங்கினர். முன்னதாக யோகா குரு ரவி சங்கர் கோயில் வளாகத்தில் உள்ள கோசாலையில் கோ பூஜையில் ஈடுபட்டார்.