விருத்தகிரீஸ்வரர் கோயிலில் ஆடிப்பூரத்தை முன்னிட்டு உழவாரம்

விருத்தாசலம்: விருத்தகிரீஸ்வரர் கோவில் ஆடிப்பூர திருவிழாவை முன்னிட்டு, ஆழத்து விநாயகர், விருத்தாம்பிகை அம்மன் சன்னதிகளில் உழவாரம் நடந்தது. விருத்தாசலம் விருத்தகிரீஸ்வரர் கோவிலில், திருமுதுகுன்றம் விருத்தகிரீஸ்வரர் அர்த்தஜாம அடியார் வளர்ச்சிக்குழு சார்பில், நேற்று காலை 7:00 மணி முதல், பகல் 12:00 மணி வரை உழவாரம் நடந்தது. அதில், ஆழத்து விநாயகர், விருத்தாம்பிகை அம்மன் சன்னதிகளில் தண்ணீர் ஊற்றி, முழுமையாக துாய்மைப் படுத்தப்பட்டது. பின்னர், கொடிமரங்கள், பலிபீடங்கள், தரைத்தளம், பிரகாரம் மற்றும் விளக்குகள், வஸ்திரங்கள் சுத்தம் செய்யும் பணியில் ஏராளமான சிவனடியார்கள், பக்தர்கள் ஈடுபட்டனர்.