சக்தி மாரியம்மன் கோயில் ஆடி பொங்கல் விழா கொடியேற்றத்துடன் துவக்கம்

கமுதி: கமுதி அருகே கருங்குளம் சக்தி மாரியம்மன் கோயில் 22ம் ஆண்டு ஆடி பொங்கல் விழா கொடியேற்றத்துடன் துவங்கியது. இதனை முன்னிட்டு சக்தி மாரியம்மனுக்கு பால்,சந்தனம், மஞ்சள்,திரவியபொடிகள் உட்பட 21 வகையான அபிஷேகம் நடந்தது. பின்பு கொடிமரத்துக்கு காப்பு கட்டப்பட்டு கொடியேற்றப்பட்டது. பின்பு சக்தி மாரியம்மன் சிறப்புபூஜை, தீபாராதனை நடந்தது.விழாவின் முக்கிய நிகழ்ச்சியாக ஆக. 4ம் தேதி 1008 விளக்கு பூஜை, ஆக.5ம் தேதி பொங்கல் விழா, அக்கினிசட்டி,சேத்தாண்டி வேடம்,ஆயிரம் கண்பானை ஊர்வலம், ஆக.6ம் தேதி பால்குடம், முளைப்பாரி ஊர்வலம் நடைபெறும்.கொடியேற்றத்தை முன்னிட்டு அன்னதானம் வழங்கப்பட்டது.