அன்னூர் பெருமாள் கோவிலில் சக்கரத்தாழ்வார் ஜெயந்தி
ADDED :854 days ago
அன்னூர்: அன்னூர் பெருமாள் கோவிலில், சக்கரத்தாழ்வார் ஜெயந்தி விழா நடந்தது. அன்னூரில் உள்ள பழமையான கரிவரதராஜ பெருமாள் கோவிலில், சக்கரத்தாழ்வார் ஜெயந்தி விழா நடந்தது. அதிகாலை 5:30 மணிக்கு, விஸ்வக்சேனா ஆராதனை நடந்தது. இதையடுத்து, மகா சுதர்சன ஹோமம் துவங்கியது. பூர்ணாகுதியும், திருமஞ்சனமும் நடந்தது. இதைத் தொடர்ந்து சக்கரத்தாழ்வாருக்கு மகா தீபாராதனை காண்பிக்கப்பட்டது. சக்கரத்தாழ்வார் கோவில் உள்பிரகாரத்தில் உலா வந்து அருள் பாலித்தார். சிறப்பு அலங்காரத்தில் அருள்பாலித்தார். திரளான பக்தர்கள் பங்கேற்றனர்.