சோமலிங்கசுவாமி கோயிலில் சோமவார சங்காபிஷேகம்
ADDED :693 days ago
கன்னிவாடி: கன்னிவாடி சோமலிங்கசுவாமி கோயிலில், கார்த்திகை சோமவாரத்தை முன்னிட்டு 108 சங்காபிஷேகம் நடந்தது. ஓம்கார விநாயகர், நந்தி, சோமலிங்க சுவாமிக்கு திரவிய அபிஷேகம் நடந்தது. சிறப்பு பூஜைகளுக்குப்பின், சங்காபிஷேகம் துவங்கியது. 108 சங்குகள் அலங்கரித்து, வேதி தீர்த்தம் நிரப்பப்பட்டு இருந்தன. மலர் அலங்காரம் செய்யப்பட்டு, திருவாசக முற்றோதலுடன் பூஜைகள் நடந்தது. மூலவர், நந்திக்கு சங்காபிஷேகத்தை தொடர்ந்து, மகா தீபாராதனை நடந்தது.