தேவிகரத்தில் மாணிக்க ராசப்பர் கோவில் கும்பாபிஷேகம்

திருக்கோவிலூர்; திருக்கோவிலூர் அடுத்த கட்சிக்குத்தான் கிராமத்தில் உள்ள மாணிக்க ராசப்பர் கோவில் கும்பாபிஷேகத்தில் திரளான பக்தர்கள் கலந்து கொண்டனர். திருக்கோவிலூர் அடுத்த தேவியகரம், கச்சிக்குவச்சான் கிராமத்தில் பழமை வாய்ந்த மாணிக்க ராசப்பர் கோவில் உள்ளது. புனரமைக்கப்பட்டு கும்பாபிஷேகம் நேற்று நடந்தது. காலை 7:00 மணிக்கு கோபூஜை, திரவியாகுத்தி, ஹோமம், வேள்விகள், பூர்ணாகுதி, தீபாராதனை, கடம் புறப்பாடாகி 9:00 மணிக்கு மூலவருக்கு புனித நீர் ஊற்றப்பட்டு மகா கும்பாபிஷேகம் நடந்தது. இதில் திரளான பக்தர்கள் கலந்து கொண்டனர். விழாவிற்கான ஏற்பாடுகளை கோவில் நிர்வாகி முனுசாமிபிள்ளை குடும்பத்தினர் மற்றும் கிராம பொதுமக்கள் செய்திருந்தனர்.