சென்னை தி.நகர் திருப்பதி கோயிலில் புரட்டாசி சனி சிறப்பு வழிபாடு; பக்தர்கள் குவிந்தனர்

சென்னை திநகரில் உள்ள திருமலை திருப்பதி வெங்கடேச பெருமாள் கோவிலில், புரட்டாசி சனிக்கிழமையை முன்னிட்டு, பல்வேறு சிறப்பு ஏற்பாடுகளும், பிரமாண்ட அலங்காரமும் செய்யப்பட்டுள்ளது. முன்னதாக இன்று அதிகாலை நடை திறக்கப்பட்டு 4:00 மணி முதல் 6:30 மணி வரை சுப்ரபாதம், தோமால சேவை, அர்ச்சனை நடைபெற்றது. காலை 6:30 மணி முதல் 7:30 மணி வரை நிவேத்தியம். காலை 7:45 முதல் 11:00 மணி வரை சர்வ தரிசனமும், தொடர்ந்து நைவேத்யமும் நடைபெற்றது. புரட்டாசி சனியை முன்னிட்டு ஏராளமான பக்தர்கள் கலந்து கொண்டு தரிசனம் செய்தனர். விழாவை முன்னிட்டு திருமலை திருப்பதி கோவில் வளாகம் மலர்களால் அலங்காரம் செய்யப்பட்டிருந்தன.  பக்தர்களுக்கு லட்டு உள்ளிட்ட பிரசாதங்கள் வழங்கப்பட்டன.