திருவையாறு தர்மசம்வர்த்தினி

திருவையாறு ஐயாறப்பர் திருக்கோயிலில் அருள்பாலிக்கும் அன்னை தர்மஸம்வர்த்தினி (அறம் வளர்த்த நாயகி), ஈடு இணையற்ற கருணைக்கும், உலக உயிரினங்களின் பசியைப் போக்கும் பெரும் தியாகத்திற்கும் பெயர் பெற்றவர்.

பெயர்க் காரணம்:

ஈசன், உலக மக்களின் வறுமையைப் போக்க அம்பாளுக்கு வெறும் இரண்டு படி நெல்லை (அரிசி) மட்டும் கொடுத்து சோதித்தார். அந்த நெல்லைக் கொண்டு முப்பத்திரண்டு வகையான தருமங்களை அம்பாள் செய்ததால், அவருக்கு அறம் வளர்த்த நாயகி மற்றும் தர்மஸம்வர்த்தினி என்ற திருநாமங்கள் உண்டாயின.

ஸ்ரீசக்ர நாயகி:

அன்னை தர்மஸம்வர்த்தினி ஸ்ரீசக்ர பதக்கம் அணிந்து, அருள்பாலிக்கும் ஸ்ரீலலிதா மஹா த்ரிபுரஸுந்தரியாகவே போற்றப்படுகிறாள்.
கர்நாடக இசையின் மும்மூர்த்திகளான தியாகராஜர், முத்துசுவாமி தீட்சிதர் மற்றும் ஷியாமா சாஸ்திரிகள் ஆகியோரால் போற்றிப் பாடப்பட்ட பெருமைக்குரியவர். தியாகராஜர் அம்பாளை போற்றி தர்மஸம்வர்த் தினி என்ற பஞ்சத சாக்ஷரி ஸ்தவத்தை இயற்றியுள்ளார்.

அகிலாண்டேஸ்வரிக்கு நிகர்:

காஞ்சி காமாட்சி, திருவாரூர் கமலாம்பாள் போல திருவையாற்று அம்பாளும் சாட்சாத் பராசக்தியின் வடிவாகவே விளங்குகிறார். நுாறாண்டுகளுக்கு முன், இந்த ஆலயத்தின் மெய்க்காப் பாளருக்கு அம்பாள் ஜோதி வடிவில் காட்சியளித்து அவரை ஞானியாக்கியதாக நம்பப்படுகிறது.

முகவரி:
ஐயாறப்பர் திருக்கோவில்,
திருவையாறு.
போன்: 04362-260332, 94430-08104,
நேரம்: காலை: 6.00 : 11.00 மணி. மாலை 4.00 -8:30 .