பழநி முருகன் கோயிலில் ரோப்கார் சேவை மக்கள் பயன்பாட்டிற்கு வந்தது

பழநி: பழநி கோயில் சென்று வர பயன்படும் ரோப் கார் சேவை பக்தர் மேம்பாட்டிற்கு துவங்கப்பட்டது.

பழநி முருகன் கோயில் சென்று வர, ரோப் கார் மூன்று நிமிடத்தில் சென்றுவர இயலும். வருடாந்திர பராமரிப்பு பணிக்காக ரோப் கார் சேவை ஜூலை 20 முதல் தற்காலிகமாக நிறுத்தப்பட்டது. அன்று முதல் பராமரிப்பு பணிகள் நடந்தது. இதன் காரணமாக இயந்திரங்கள் அனைத்தும் என்.டி.டி., சோதனை நடந்தது. அதன் படி பழுதான இயந்திர பாகங்கள் கொள்முதல் செய்யபட்டது. இதில் முக்கிய பாகமான ரோப்கார் இயந்திர சாஃப்ட் கொள்முதல் செய்யப்பட்டு பொருத்தப்பட்டது. கியர் பாக்ஸ் பணிகள் நடந்தது.

ரோப்காரில் புதிய பெட்டிகள் பொருத்தப்பட்டு எடை சோதனை ஓட்டம் நடந்தது. ரோப் கார் கீழ் நிலையத்தில் கூரை பராமரிப்பு, பால்ஸ்சீலிங், சுவர்களில் கிரானைட் பதித்தல், அழகிய விளக்குகள் பொருத்தி பணிகள் நிறைவடைந்தது. வல்லுநர்கள் ஆய்வின் படி சான்றிதழ் பெறப்பட்டது. இன்று (செப்.22) ரோப் கார் வளாகத்தில் உள்ள விநாயகருக்கு சிறப்பு பூஜைகள் நடைபெற்றன அதன் பின் ரோப் கார் பெட்டிகளுக்கு சிறப்பு பூஜைகள் நடைபெற்று தீபாராதனை நடந்தது. 63 நாட்களுக்குப் பிறகு பக்தர்கள் பயன்பாட்டுக்கு ரோப் கார் செயல்பட துவங்கியது. ரோப்கார் பெட்டிகளில் ஒரு பெட்டிக்கு நான்கு பேர் வீதம் நான்கு பெட்டிக்கு 16 நபர்கள் மேலே சென்று வர அனுமதிக்கப்பட்டது.