ஈஸ்வரன் கோவில்களில் சனி பிரதோஷ வழிபாடு!

காரிமங்கலம்: காரிமங்கலம் அபித குஜாம்பாள் சமேத அருணேஸ்வரர் மலைக்கோவிலில், சனி மஹா பிரதோஷ வழிபாடு, இன்று நடக்கிறது. இதையொட்டி, இன்று மாலை, 4 மணிக்கு கணபதி ஹோமம், 4.30 மணிக்கு நந்திக்கு சிறப்பு அபிஷேகம், அலங்காரம் மற்றும் பூஜைகள் நடக்கிறது.

* தர்மபுரி கோட்டை மல்லிகார்ஜுனேஸ்வரர் கோவில், நெசவாளர் நகர் மகாலிங்கேஸ்வரர் கோவில் ஆகியவற்றில், சனி பிரதோஷத்தையொட்டி, இன்று மாலை, 4.30 மணிக்கு நந்திக்கு சிறப்பு அபிஷேகம், பூஜைகள் நடக்கிறது. * காவேரிப்பட்டணம் அடுத்த பெண்ணேஸ்வரர் மடம் வேதவள்ளி சமேத பெண்ணேஸ்வரர் கோவிலில், சனி பிரதோஷ வழிபாடு இன்று நடக்கிறது. மாலை, 4.30 மணிக்கு நந்திக்கு சிறப்பு அபிஷேகங்கள், அலங்கார பூஜைகள் நடக்கிறது. * பாலக்கோடு பால்வண்ணநாதர், ஒகேனக்கல் தேசநாதேஸ்வரர் கோவில், புட்டிரெட்டிப்பட்டி சோமேஸ்வரர் கோவில், அடிலம் அடிலநாதர் கோவில், அரூர் தீர்த்தமலை தீர்த்தகிரீஸ்வரர் கோவில் ஆகியவற்றில் சனி மஹா பிரதோஷத்தை முன்னிட்டு இன்று மாலை, 4.30 மணிக்கு நந்திக்கு சிறப்பு அபிஷேகம், அலங்காரம் நடக்கிறது.