தியாகதுருகத்தில் கோவில் திருவிழா

தியாகதுருகம்: தியாகதுருகத்தில் உள்ள கருமாரியம்மன் கோவில் திருவிழா நடந்தது. தியாகதுகம் துணைமின்நிலையம் அருகே அமைந்துள்ள கருமாரியம்மன் கோவில் திருவிழா கடந்த 5ம் தேதி காப்பு கட்டுதலுடன் துவங்கியது. தினமும் அம்மன் திருவீதியுலா நடந்தது. கோவில் வாளாகத்தில் மாரியம்மன் சரித்திர பாடல் சொற்பொழிவு நிகழ்ச்சி நடந்தது. கடந்த 12ம் தேதி மோடி எடுத்தல், காத்தவ ராயன், ஆரியமாலா திருக்கல்யாண உற்சவம், 13ம் தேதி கழுமரம் ஏறும் நிகழ்ச்சியும் நடந்தது.தொடர்ந்து 14ம் தேதி தேர் திருவிழா நடந்தது. பக்தர்கள் அலகு குத்தி தேர் இழுத்து சென்றனர். கோவில் வளாகத்தில் பெண்கள் பொங்கல் வைத்தும், மாவிளக்கு ஏற்றியும் வழிபாடு நடத்தினர். கோவில் பூசாரி அடுமை, தர்மகர்த்தா வேலு, தே.மு.தி.க., ஒன்றிய செயலாளர் ஜெய்சங்கர், பிச்சை பிள்ளை, சேகர் உட்பட பலர் கலந்து கொண்டனர்.