ஸ்தலசயனப்பெருமாள் கோவிலில் பிரம்மோற்சவ கொடியேற்றம்!

மாமல்லபுரம் : மாமல்லபுரம் ஸ்தலசயனப்பெருமாள் கோவிலில், நேற்று பிரம்மோற்சவ கொடியேற்றப்பட்டது. மாமல்லபுரம் ஸ்தலசயனப்பெருமாள் கோவிலில், சித்திரை பிரம்மோற்சவ விழா, நேற்று முன்தினம் மாலை, அங்குரார்ப்பணம் மற்றும் சேனை முதல்வர் புறப்பாடுடன் துவங்கியது. இதையொட்டி, புற்றுமண் கொண்டு நடத்திய யாகம், ஆவாஹணத்திற்குபின், இரவு 7:00 மணிக்கு, சுவாமி வீதியுலா நடந்தது.அதைத்தொடர்ந்து, நேற்று காலை, 5:45 மணிக்கு, கொடியேற்றி, நவசந்தி ஆவாஹணத்திற்குபின், சுவாமி வீதியுலா, கேடயசேவை, மற்றும் இரவு மங்களகிரி சேவைகள் நடந்தன. மேலும், தினமும் காலை, மாலையில் வாகன சேவைகள் நடக்கின்றன. 10ம் தேதி இரவு கருடசேவையும், 12ம் தேதி காலை திருத்தேர் வீதியுலாவும் நடைபெறும்.