மண்டைக்காடு பகவதி அம்மன் கோயிலில் அஸ்வதி பொங்கல் விழா

நாகர்கோவில் : மண்டைக்காடு பகவதி அம்மன் கோயிலில் ஆவணி அஸ்வதி பொங்கல் விழா 11-ம் தேதி தொடங்கி மூன்று நாட்கள் நடக்கிறது. 11-ம் தேதி காலை 5 மணிக்கு கணபதிஹோமம், காலை, மதியம், மாலை நேரங்களில் சிறப்பு தீபாராதனை நடக்கிறது. மாலை 5 மணிக்கு சுமங்கலி பூஜை நடக்கிறது. இதில் ஏராளமான பெண்கள் கலந்து கொள்கின்றனர். 12-ம் தேதி காலை 10 மணிக்கு 3002 பொங்கல் வழிபாடு நடக்கிறது. இரவு 7 மணிக்கு சிறப்பு பஜனை நடக்கிறது. 13-ம் தேதி மாலை 5.30-க்கு திருவிளக்கு பூஜை, இரவு ஏழு மணிக்கு சமய வகுப்பு மாணவர்கள் மற்றும் மண்டைக்காடு தேவசம் பள்ளியில் படித்து அதிக மதிப்பெண் பெற்ற மாணவ மாணவிகளுக்கு பரிசு வழங்கும் நிகழ்ச்சி நடைபெறுகிறது. விழா ஏற்பாடுகளை திருக்கோயில் நிர்வாகம் செய்துள்ளது.