இருக்கன்குடி கோயில் உண்டியல்கள் திறப்பு: ரூ.19 லட்சம் வசூல்!

சாத்தூர் : இருக்கன்குடி கோயில் உண்டியல்களில் பக்தர்கள் காணிக்கையாக, கடந்த ஒரு மாதத்தில் ரூ.19லட்சத்து 58ஆயிரம் மற்றும் தங்கம் ,வெள்ளி கிடைத்தது. சாத்தூர் அருகே இருக்கன்குடி மாரியம்மன் கோயில் உண்டியல்கள் கோயில் செயல்அலுவலர் தனபாலன், பரம்பரை அறங்காவலர் குழுத்தலைவர் ராமமூர்த்திபூஜாரி, விருதுநகர் இந்து சமயஅறநிலையத்துறை உதவி ஆணையர் கவிதாப்ரியதர்ஷினி முன்னிலையில் திறக்கப்பட்டு காணிக்கை பொருட்கள் கணக்கிடப்பட்டன. கடந்த ஒரு மாதத்தில் பக்தர்கள் காணிக்கையாக ரூ.19லட்சத்து 58ஆயிரத்து459, 58 கிராம்தங்கம், 161 கிராம் வெள்ளி கிடைத்தது. கோயில் அலுவலர்கள், மகளிர் சுயஉதவிக்குழு பெண்கள் காணிக்கை பொருட்களை கணக்கிடும் பணியில் ஈடுபட்டனர்.