ஆஞ்சநேயர் கோயில் கும்பாபிஷேகம்!

பரமக்குடி : பரமக்குடி காக்காதோப்பு சோலையில் ஸ்ரீ வீர ஆஞ்சநேயர் கோயில் கும்பாபிஷேகம் நேற்று நடந்தது. இதையொட்டி அக்., 31 ல், மாலை 5 மணிக்கு நூதன ஆஞ்சநேயர் மூலவர் திருமேனி, முக்கிய வீதிகளில் வலம் வந்தார். நவ., 1 ல், காலை 10.30 மணிக்கு சுதர்சன ஹோமம், மாலை 5 மணிக்கு அனுக்கை, வாஸ்துசாந்தி, முதல்காலயாக பூஜை தொடங்கியது. இரவு 8 மணிக்கு மகாபூர்ணாகுதியும், 9 மணிக்கு மேல் ஆஞ்சநேயர், விநாயகர், நாகர் பிரதிஷ்டை செய்யப்பட்டது. நேற்று காலை 7.30 மணிக்கு இரண்டாம் காலயாக பூஜையைத் தொடர்ந்து, தீர்த்தக்குடங்கள் புறப்பாடாகின. காலை 8.30 மணிக்கு விமானம், சுவாமிகளுக்கு மகா அபிஷேகம் நடந்தது. ஏற்பாடுகளை கோயில் நிர்வாகிகள் செய்திருந்தனர்.