செபமாலிகையின் சிறப்பு
ADDED :3790 days ago
எழுகோடி மனுவினுயர் பஞ்சாட்ச ராசிசெபம்
எண்ணஅங் குலியின் ஒருபங்(கு)
எய்தபயன் எட்டிறையின் ஈரைந்து துளபமணி
ஏற்றசங் கின்ம ணிசதம்
பழுதிலாப் பவளமா யிரமயுதம் அம்புயம்
படிகவடம் ஒருகோ டியாம்
பைங்குசை முடிப்பிலீ ரைந்துகோ டியதாகும்
பகர்ந்தசத கோடி தரளம்
அழகுறுந் தமனிய வடத்தின்ஆ யிரகோடி
அக்கமணி வடம்அ னந்தம்
அங்குட்ட முதல்நான்கின் வடநடத் திடின்முத்தி
அரிநா சநிதி நோயறும்
செழியன்ஒரு மந்திரிக்கு உபதேச நல்கத்
திருக்குருந் துற்ற குருவே
சிவசிதம் பரவாச சிவகாமி யுமைநேச
செகதீ சநட ராசனே.