தியாகதுருகத்தில் கோவில் திருவிழா

தியாகதுருகம் : தியாகதுருகம் மாரியம்மன் கோவில் திருவிழா காப்பு கட்டுதலுடன் துவங்கியது.தியாகதுருகம் மாரியம்மன் கோவில் திருவிழா, நேற்று முன்தினம் இரவு காப்பு கட்டுதலுடன் துவங்கியது. அம்மனுக்கு சிறப்பு அபிஷேக ஆராதனைகளும், அலங்கரிக்கப்பட்ட உற்சவர் அம்மன் வீதியுலாவும் நடந்தது. தினமும் மாரியம்மன் சரித்திர பாரத சொற்பொழிவு கோவிலில் நடந்து வருகிறது.வரும் 11ம் தேதி காத்தவராயன், ஆரியமாலா திருக்கல்யாண உற்சவமும், அன்று இரவு கழுமரம் ஏறும் நிகழ்ச்சியும் நடக்கிறது. தொடர்ந்து 12 ம் தேதி மதியம் சாகை வார்த்தலும், காளிகோட்டை இடித்தல் நிகழ்ச்சியும் நடக்கிறது. மாலை 5 மணிக்கு தீமிதி திருவிழா நடக்கிறது.