ஹெத்தையம்மன் கோவிலில் பங்குனி உத்திர திருவிழா 23ல் கோலாகலம்

ஊட்டி: பேரட்டி அருகேயுள்ள, மல்லிக்கொரை விநாயகர் மற்றும் ஹெத்தையம்மன் கோவிலில், பங்குனி உத்திர திருவிழா வரும், 23ம் தேதி நடக்கிறது. இன்று இரவு, 8:00 மணிக்கு கொடியேற்றத்துடன் விழா துவங்குகிறது. வரும், 23ம் தேதி பங்குனி உத்திர திருவிழா நாளன்று, காலை, 10:00 மணிக்கு சிறப்பு வழிபாடு, அர்ச்சனை ஆராதனைகள் நடக்கின்றன. மதியம்,1:00 மணிக்கு கோவிலில் இருந்து காவடி ஊர்வலம் புறப்பட்டு, மல்லிக்கொரை முருகன் கோவிலை வந்தடைகிறது. அங்கு சிறப்பு பூஜை, ஆராதனை, வழிபாடுகள் நடத்தப்படுகின்றன.இரவு, 8:00 மணிக்கு துவங்கும் ஊர்வலம், ஆறு வீதிகள் வழியாக சென்று கோவிலை அடைகிறது. வரும், 24ல் மஞ்சள் நீராடல், மங்கள ஆரத்தியுடன் விழா நிறைவு பெறுகிறது. ஐந்து ஆண்டுகளுக்கு பிறகு மீண்டும் பங்குனி உத்திர விழா நடத்தப்படுகிறது. ஏற்பாடுகளை ஊர் பொதுமக்கள் செய்துள்ளனர்.